ਦੋਆਬਾ ਕਾਲਜ ਵਿਖੇ ‘ਮੋਦੀ ਸਰਕਾਰ ਦੀ ਉਪਲੱਬਧੀਆਂ ਅਤੇ ਚੁਨੋਤਿਆਂ’ ਵਿਸ਼ੇ ਤੇ ਪੈਨਲ ਡਿਸਕਸ਼ਨ ਅਯੋਜਤ      

ਜਲੰਧਰ, 14 ਅਗਸਤ, 2023: ਦੋਆਬਾ ਕਾਲਜ ਦੇ ਪੀ.ਜੀ. ਡਿਪਾਰਟਮੈਂਟ ਆਫ ਜਰਨਲਿਜ਼ਮ ਐਂਡ ਮਾਸ ਕਮਿਊਨੀਕੇਸ਼ਨ ਵਿਭਾਗ ਵੱਲੋਂ ‘ਮੋਦੀ ਸਰਕਾਰ ਦੀ ਉਪਲੱਬਧੀਆਂ ਅਤੇ ਚੁਨੋਤਿਆਂ’ ਵਿਸ਼ੇ ਤੇ ਪੈਨਲ ਡਿਸਕਸ਼ਨ ਦਾ ਅਯੋਜਨ ਕੀਤਾ ਗਿਆ ਜਿਸ ਵਿੱਚ ਚੰਦਰ ਮੋਹਨ- ਪ੍ਰਧਾਨ ਆਰਿਆ ਸਿੱਖਿਆ ਮੰਡਲ ਅਤੇ ਕਾਲਜ ਪ੍ਰਬੰਧਕੀ ਕਮੇਟੀ ਅਤੇ ਵਰਿਸ਼ਠ ਪੱਤਰਕਾਰ, ਰਮਨ ਮੀਰ- ਏਡਿਟਰ ਖਬਰਿਸਤਾਨ, ਰਿਮਾਂਸ਼ੁ ਗਾਬਾ- ਡਿਪਟੀ ਏਡਿਟਰ, ਦੈਨਿਕ ਸਵੇਰਾ ਟੀ.ਵੀ., ਬਤੌਰ ਪੈਨੇਲਿਸਟ ਹਾਜਰ ਹੋਏ ਜਿਨ੍ਹਾਂ ਦਾ ਨਿੱਘਾ ਸਵਾਗਤ ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ, ਡਾ. ਸਿਮਰਨ ਸਿੱਧੂ-ਵਿਭਾਗਮੁੱਖੀ, ਪ੍ਰੋ. ਪ੍ਰਿਆ ਚੋਪੜਾ, ਪ੍ਰਾਧਿਆਪਕਾਂ ਅਤੇ ਵਿਦਿਆਰਥੀਆਂ ਨੇ ਕੀਤਾ।    

ਚੰਦਰ ਮੋਹਨ ਨੇ ਕਿਹਾ ਕਿ ਸੋਸ਼ਲ ਮੀਡਿਆ ਅੱਜ ਦੇ ਦੌਰ ਵਿੱਚ ਸੂਚਨਾ ਪ੍ਰਸਾਰਨ ਦੇ ਲਈ ਇੱਕ ਸਸ਼ਕਤ ਮਾਧਿਅਮ ਦੇ ਰੂਪ ਵਿੱਚ ਉਭਰਿਆ ਹੈ। ਉਨਾਂ ਨੇ ਸਰਕਾਰ ਦੀ ਉਪਲੱਬਧੀਆਂ ਦੇ ਬਾਰੇ ਵਿੱਚ ਚਰਚਾ ਕਰਦੇ ਹੋਏ ਕਿਹਾ ਕਿ ਸਰਕਾਰ ਦੁਆਰਾ ਡਿਜਿਟਾਇਜੇਸ਼ਨ ਦੀ ਪ੍ਰਕ੍ਰਿਆ ਨੂੰ ਸਹੀ ਤਰੀਕੇ ਨਾਲ ਚਲਾਏ ਜਾਨ ਦੇ ਕਾਰਨ ਭ੍ਰਸ਼ਟਾਚਾਰ ਕਾਫੀ ਹਦ ਤੱਕ ਘੱਟ ਗਿਆ ਹੈ ਪਰੰਤੂ ਭਵਿੱਖ ਨੂੰ ਦੇਖਦੇ ਹੋਏ ਸਰਕਾਰ ਨੂੰ ਸਿੱਖਿਆ ਦੇ ਖੇਤਰ ਵਿੱਚ ਸਿਕਲ ਬੇਸਟ ਸਿੱਖਿਆ ਨੂੰ ਪ੍ਰੋਤਸਾਹਨ ਦੇਣ ਦੀ ਜ਼ਰੂਰਤ ਹੈ। 

ਪਿ੍ਰੰ. ਡਾ. ਪਰਦੀਪ ਭੰਡਾਰੀ ਨੇ ਕਿਹਾ ਕਿ ਦੇਸ਼ ਵਿੱਚ ਬਦਲਾਵ ਆਪਣੇ ਅੰਦਰ ਤੋਂ ਆਉਣਾ ਚਾਹੀਦਾ ਹੈ ਅਤੇ ਦੇਸ਼ ਦੇ ਸਾਮਣੇ ਆ ਰਹੀਆਂ ਵੱਖ ਵੱਖ ਚੁਨੋਤਿਆਂ ਨੂੰ ਦੇਸ਼ਵਾਸਿਆਂ ਦੁਆਰਾ ਆਪਣੇ ਜੁਝਾਰੂ ਰੂਪ ਨੂੰ ਦਰਸ਼ਾ ਕੇ ਉਸਦਾ ਹਿਮਤ ਨਾਲ ਸਾਮਣਾ ਕਰ ਕੇ ਨਿਪਟਾਰਾ ਕਰਨਾ ਚਾਹੀਦਾ ਹੈ। ਉਨਾਂ ਨੇ ਕਿਹਾ ਕਿ ਸਰਕਾਰ ਦੀ ਰਾਸ਼ਟਰੀਏ ਸਿੱਖਿਆ ਨੀਤੀ 2020 ਨੂੰ ਲਿਆਉਣਾ ਇੱਕ ਬਹੁਤ ਵੱਡੀ ਉਪਲੱਬਧੀ ਹੈ ਪਰੰਤੂ ਇਸ ਨੂੰ ਸਮੱਗਰ ਰੂਪ ਨਾਲ ਲਾਗੂ ਕਰਨਾ ਇੱਕ ਬਹੁਤ ਵਡੀ ਚੁਨੋਤੀ ਹੈ। 

ਰਮਨਮੀਰ ਨੇ ਕਿਹਾ ਕਿ ਸਰਕਾਰ ਨੂੰ ਮਨਿਪੁਰ ਦੇ ਹਾਲਾਤ ਤੇ ਜਲਦ ਪ੍ਰਭਾਵੀ ਕਦਮ ਉਠਾਉਣੇ ਚਾਹੀਦੇ ਹਨ ਅਤੇ ਕਿਹਾ ਕੀ ਮਨਿਪੁਰ ਦੀ ਹਿੰਸਾ ਨੂੰ ਸਮਝਣ ਦੇ ਲਈ ਸਾਨੂੰ ਵਿਸਤਾਰ ਨਾਲ ਉਸ ਖੇਤਰ ਦੇ ਸਮਾਜਿਕ, ਰਾਜਨੀਤਿਕ, ਭੂਗੋਲਿਕ, ਆਰਥਿਕ ਅਤੇ ਪ੍ਰਸ਼ਠਭੂਮਿ ਨੂੰ ਸਮਝਨਾ ਚਾਹੀਦਾ ਹੈ।

ਰਿਮਾਂਸ਼ੂ ਗਾਬਾ ਨੇ ਕਿਹਾ ਕਿ ਪੱਤਰਕਾਰਿਤਾ ਦੇ ਵਿਦਿਆਰਥੀਆਂ ਨੂੰ ਇਸ ਖੇਤਰ ਵਿੱਚ ਆਪਣਾ ਨਾਮ ਬਣਾਉਨ ਦੇ ਲਈ ਨਿਡਰ ਅਤੇ ਨਿਸ਼ਪੱਖ ਬਣਨਾ ਹੋਵੇਗਾ ਅਤੇ ਸ਼ੋਧ ਅਧਾਰਿਤ ਪੱਤਰਕਾਰਿਤਾ ਤੇ ਆਪਣੀ ਪਕੜ ਬਣਾਉਨਾ ਸਿੱਖਣਾ ਪਵੇਗਾ ਅਤੇ ਉਨਾਂ ਨੂੰ ਦੂਸਰੇ ਵਿਕਲਪਾਂ ਤੇ ਵੀ ਗੌਰ ਕਰਨਾ ਚਾਹੀਦਾ ਹੈ।
ਡਾ. ਸਿਮਰਨ ਸਿੱਧੂ ਨੇ ਹਾਜ਼ਰ ਪੈਨਲਿਸਟਕਾਂ ਦਾ ਧੰਨਵਾਦ ਕੀਤਾ।