ਦੋਆਬਾ ਕਾਲਜ ਵਿੱਚ ਉੱਚ ਸਿੱਖਿਆ ਅਤੇ ਐਨਈਪੀ ਦੀ ਚੁਣੌਤਿਆਂ ’ਤੇ ਸੈਮੀਨਾਰ ਅਯੋਜਨ

    ਜਲੰਧਰ, 28 ਮਾਰਚ, 2026: ਦੋਆਬਾ ਕਾਲਜ ਦੇ ਪੋਸਟ ਗ੍ਰੈਜੂਏਟ ਪਾਲਿਟਿਕਲ ਸਾਇੰਸ ਵਿਭਾਗ ਵੱਲੋਂ ਇੰਡੀਅਨ ਕਾਊਂਸਲ ਫਾਰ ਸੋਸ਼ਲ ਸਾਇੰਸ ਰਿਸਰਚ (ਜ਼ਙਛਛਞ) ਨਾਰਥ ਵੈਸਟਰਨ ਰੀਜ਼ਨ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਪੰਜਾਬ ਵਿੱਚ ਉੱਚ ਸਿੱਖਿਆ ਅਤੇ ਐਨਈਪੀ ਦੀ ਚੁਣੌਤਿਆਂ ਦੇ ਵਿਸ਼ੇ ’ਤੇ ਰਾਸ਼ਟਰੀ ਸੈਮੀਨਾਰ ਦਾ ਅਯੋਜਨ ਕੀਤਾ ਗਿਆ । 
    ਡਾ. ਸ਼ਾਲਿਨੀ ਬਹਿਲ—ਕੰਟਰੋਲਰ ਐਗਜਾਮਸ ਜੀਐਨਡੀਯੂ ਬਤੌਰ ਮੁੱਖ ਬੁਲਾਰੇ, ਡਾ. ਜਗਰੂਪ ਸਿੰਘ ਸੇਖੋਂ— ਰਿਟਾਇਰਡ ਪ੍ਰੋਫੈਸਰ ਰਾਜਨੀਤੀ ਸ਼ਾਸਤਰ ਵਿਭਾਗ, ਜੀਐਨਡੀਯੂ, ਡਾ. ਰੀਤੂ ਭੱਟੀ— ਡਿਪਟੀ ਰਜਿਸਟਰਾਰ, ਜੀਐਨਡੀਯੂ ਬਤੌਰ ਬੁਲਾਰੇ ਹਾਜ਼ਰ ਹੋਏ ਜਿਨ੍ਹਾਂ ਦਾ ਨਿੱਘਾ ਸਵਾਗਤ ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ, ਡਾ. ਨਿਰਮਲ ਸਿੰਘ—ਸੈਮੀਨਾਰ ਸੰਯੋਜਕ, ਡਾ. ਵਿਨੈ ਗਿਰੋਤਰਾ—ਵਿਭਾਗਮੁੱਖੀ, ਡਾ. ਰਣਜੀਤ ਸਿੰਘ ਅਤੇ ਪ੍ਰਾਧਿਆਪਕ ਨੇ ਕੀਤਾ ।
    ਪ੍ਰੋਗਰਾਮ ਦਾ ਸ਼ੁਭਅਰੰਭ ਦੀਪ ਜਗਾਉਣ ਅਤੇ ਦੋਆਬਾ ਜੈ ਗਾਣ ਨਾਲ ਹੋਇਆ । ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਨੇ ਅਪਣੇ ਸੰਬੋਧਨ ਵਿੱਚ ਰਾਸ਼ਟਰੀ ਸਿੱਖਿਆ ਨੀਤੀ (ਟਥਸ਼) ਨੂੰ ਲਾਗੂ ਕਰਨ ਅਤੇ ਪੰਜਾਬ ਵਿੱਚ ਉੱਚ ਸਿੱਖਿਆ ’ਤੇ ਇਸਦੇ ਪ੍ਰਭਾਵ ਦੇ ਸੰਦਰਭ ਵਿੱਚ ਇਸ ਸੈਮੀਨਾਰ ਦੀ ਮਹੱਤਤਾ ਨੂੰ ਰੇਖਾਂਕਿਤ ਕੀਤਾ । 
    ਮੁੱਖ ਬੁਲਾਰੇ ਡਾ. ਸ਼ਾਲਿਨੀ ਬਹਿਲ ਨੇ ਪੰਜਾਬ ਦੀ ਉੱਚ ਸਿੱਖਿਆ ਪ੍ਰਣਾਲੀ ਵਿੱਚ ਐਨਈਪੀ 2020 ਦੇ ਲਾਗੂਕਰਨ ਬਾਰੇ ਸੂਝਵਾਲ ਵਿਚਾਰ ਪੇਸ਼ ਕੀਤੇ । ਉਨ੍ਹਾਂ ਨੇ ਭਾਰਤ ਵਿੱਚ ਸਿੱਖਿਆ ਨੀਤੀ ਦੇ ਵਿਕਾਸ ਨੂੰ ‘ਪਹੁੰਚ ਤੋਂ ਵਿਸਥਾਰ ਅਤੇ ਫਿਰ ਪਰਿਵਰਤਨ’ ਤੱਕ ਦੀ ਯਾਤਰਾ ਦੇ ਰੂਪ ਵਿੱਚ ਬਖੂਬੀ ਸਮਝਾਇਆ । ਉਨ੍ਹਾਂ ਨੇ ਐਨਈਪੀ 2020 ਦੇ ਦ੍ਰਿਸ਼ਟੀਕੋਣ — ਸੰਪੂਰਨ ਅਤੇ ਬਹੁ—ਅਨੁਸ਼ਾਸਨੀ ਸਿੱਖਿਆ, ਲਚਕਦਾਰ ਪਾਠਕ੍ਰਮ, ਬਹੁਭਾਸ਼ਾਈਵਾਦ, ਸ਼ੁਰੂਆਤੀ ਬਚਪਨ ਦੀ ਸਿੱਖਿਆ, ਸਾਰੀਆਂ ਲਈ ਗੁਣਵੱਤਾ ਵਾਲੀ ਸਿੱਖਿਆ, ਵਿਸ਼ਵਵਿਆਪੀ ਮੁਕਾਬਲੇਬਾਜ਼ੀ, ਸਮਾਨਤਾ ਅਤੇ ਸਮਾਵੇਸ਼ ਨੂੰ ਉਜਾਗਰ ਕੀਤਾ । ਡਾ. ਬਹਿਲ ਨੇ ਪੰਜਾਬ ਵਿੱਚ ਐਨਈਪੀ 2020 ਨੂੰ ਲਾਗੂ ਕਰਨ ਨਾਲ ਜੁੜੀਆਂ ਮੁੱਖ ਚੁਣੌਤੀਆਂ ’ਤੇ ਵੀ ਚਰਚਾ ਕੀਤੀ ਜਿਵੇਂ ਕਿ ਢਾਂਚਾਗਤ ਬਦਲਾਅ (ਸੰਗਠਤ ਤੋਂ ਖੁਦਮੁਖਤਿਆਰੀ ਵਿੱਚ ਤਬਦੀਲੀ), ਸਿੱਖਿਆ ਸੰਬੰਧੀ ਚੁਣੌਤੀਆਂ (ਫੈਕਲਟੀ ਦੀ ਤਿਆਰੀ ਅਤੇ ਪਾਠਕ੍ਰਮ ਵਿਕਾਸ), ਪ੍ਰਸ਼ਾਸਕੀ ਅਤੇ ਸ਼ਾਸਨ ਸੰਬੰਧੀ ਮੁੱਦੇ, ਵਿੱਤੀ ਡਿਜੀਟਲ ਸੀਮਾਵਾਂ ਅਤੇ ਗੁਣਵੱਤਾ ਨਾਲ ਸਬੰਧਤ ਸਮੱਸਿਆਵਾਂ । ਉਨ੍ਹਾਂ ਨੇ ਹਿੱਸੇਦਾਰਾਂ—ਸਰਕਾਰ, ਸੰਸਥਾਵਾਂ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ — ਦੀਆਂ ਭੂਮਿਕਾਵਾਂ ਦਾ ਵੀ ਵਿਸ਼ਲੇਸ਼ਣ ਕੀਤਾ । ਇੱਕ ਹੱਲ ਵਜੋਂ ਉਨ੍ਹਾਂ ਨੇ ਵੱਲ ਵਜੋਂ ਫੈਕਲਟੀ ਸਿਖਲਾਈ, ਸਮਰੱਥਾ—ਨਿਰਮਾਣ ਪ੍ਰੋਗਰਾਮਾਂ ਅਤੇ ਪੜਾਅਵਾਰ ਅਤੇ ਸੰਦਰਭ—ਅਧਾਰਤ ਲਾਗੂ ਕਰਨ ’ਤੇ ਜ਼ੋਰ ਦਿੱਤਾ ।
    ਡਾ. ਜਗਰੂਪ ਸਿੰਘ ਸੇਖੋਂ ਨੇ ਐਨਈਪੀ ਦੇ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨ ਲਈ ਸਰਕਾਰ ਅਤੇ ਸੰਸਥਾਵਾਂ ਵਿਚਕਾਰ ਸਹਿਯੋਗੀ ਯਤਨਾਂ ਦੀ ਜ਼ਰੂਰਤ ’ਤੇ ਜ਼ੋਰ ਦਿੱਤਾ । ਉਨ੍ਹਾਂ ਨੇ ਪੰਜਾਬ ਵਿੱਚ ਨੀਤੀਆਂ ਦੇ ਅਸਮਾਨ ਲਾਗੂਕਰਨ ਵੱਲ ਇਸ਼ਾਰਾ ਕਰਦੇ ਹੋਏ, ਆਧੁਨਿਕ ਪ੍ਰਣਾਲੀਆਂ ਨੂੰ ਬਿਨਾਂ ਸੋਚੇ ਸਮਝੇ ਅਪਣਾਉਣ ਵਿਰੁੱਧ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ । 
     ਡਾ. ਰੀਤੂ ਭੱਟੀ ਨੇ ਆਪਣਾ ਖੋਜ ਪੱਤਰ ਪੜਿ੍ਹਆ ਅਤੇ ਐਨਈਪੀ—2020 ਦੇ ਬਦਲਦੇ ਵਾਤਾਵਰਣ ਵਿੱਚ ਭਾਰਤੀ ਗਿਆਨ ਪਰੰਪਰਾਵਾਂ ਦੀ ਮਹੱਤਤਾ ’ਤੇ ਚਰਚਾ ਕੀਤੀ । ਇਸ ਤੋਂ ਬਾਅਦ ਡਾ. ਜਗਰੂਪ ਸਿੰਘ ਸੇਖੋਂ ਦੀ ਪ੍ਰਧਾਨਗੀ ਹੇਠ ਇੱਕ ਤਕਨੀਕੀ ਸੈਸ਼ਨ ਹੋਇਆ । ਇਸ ਸੈਸ਼ਨ ਵਿੱਚ, ਵੱਖ—ਵੱਖ ਸੰਸਥਾਵਾਂ ਦੇ ਸਿੱਖਿਆ ਸ਼ਾਸਤਰੀਆਂ ਨੇ ਖੋਜ਼ ਪੱਤਰ ਪੇਸ਼ ਕੀਤੇ, ਜਿਸ ਵਿੱਚ ਐਨਈਪੀ ਦੇ ਵੱਖ—ਵੱਖ ਪਹਿਲੂਆਂ ਅਤੇ ਇਸਦੇ ਵਿਹਾਰਕ ਪ੍ਰਭਾਵਾਂ ’ਤੇ ਵੀ ਚਰਚਾ ਕੀਤੀ ਗਈ । ਇਸ ਸੈਸ਼ਨ ਵਿੱਚ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦੋਵਾਂ ਦੀ ਸਰਗਰਮ ਭਾਗੀਦਾਰੀ ਦੇਖਣ ਨੂੰ ਮਿਲੀ । 
    ਪਹਿਲੇ ਤਕਨੀਕੀ ਸੈਸ਼ਨ ਵਿੱਚ ਭਾਗ ਲੈਣ ਵਾਲੇ ਪ੍ਰੋਫੈਸਰਾਂ ਨੇ ਉਪਰੋਕਤ ਵਿਸ਼ੇ ’ਤੇ ਆਪਣੇ ਖੋਜ਼ ਪੱਤਰ ਪੇਸ਼ ਕੀਤੇ । ਪਹਿਲੇ ਤਕਨੀਕੀ ਸੈਸ਼ਨ ਦੀ ਸਮਾਪਤੀ ਤੋਂ ਬਾਅਦ, ਪ੍ਰਿੰਸੀਪਲ ਡਾ. ਪ੍ਰਦੀਪ ਭੰਡਾਰੀ ਅਤੇ ਵਿਭਾਗ ਦੇ ਫੈਕਲਟੀ ਨੇ ਡਾ. ਸ਼ਾਲਿਨੀ ਬਹਿਲ, ਡਾ. ਜਗਰੂਪ ਸਿੰਘ ਸੇਖੋਂ ਅਤੇ ਡਾ. ਰੀਤੂ ਭੱਟੀ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ । ਡਾ. ਵਿਨੈ ਗਿਰੋਤਰਾ ਨੇ ਧੰਨਵਾਦ ਦਿੱਤਾ । 
    ਵੈਲੇਡਿਕਟਰੀ ਸੈਸ਼ਨ ਵਿੱਚ ਡਾ. ਅਮਿਤ ਕੌਟਜ਼, ਪ੍ਰੋਫੈਸਰ ਐਜੂਕੇਸ਼ਨ ਵਿਭਾਗ, ਜੀਐਨਡੀਯੂ, ਮੁੱਖ ਬੁਲਾਰੇ ਹੋਏ ਜਿਨ੍ਹਾਂ ਨੇ ਸੈਮੀਨਾਰ ਦੇ ਮੁੱਚ ਵਿਚਾਰ—ਵਟਾਂਦਰੇ ਦਾ ਸਾਰ ਦਿੱਤਾ । ਸਾਰੇ ਭਾਗੀਦਾਰਾਂ ਨੂੰ ਉਨ੍ਹਾਂ ਦੇ ਯੋਗਦਾਨ ਲਈ ਸਰਟੀਫਿਕੇਟ ਭੇਟ ਕੀਤੇ ਗਏ । 
    ਪ੍ਰੋਗਰਾਮ ਦੀ ਸਮਾਪਤੀ ਡਾ. ਨਿਰਮਲ ਸਿੰਘ ਵੱਲੋਂ ਧੰਨਵਾਦ ਮੱਤੇ ਨਾਲ ਹੋਈ ।