ਦੋਆਬਾ ਕਾਲਜ ਦੇ ਬੀਏ ਬੀਐਡ ਸਮੈਸਟਰ—3 ਦੇ ਵਿਦਿਆਰਥਣਾਂ ਦਾ ਜੀਐਨਡੀਯੂ ਵਿੱਚ ਵਧੀਆ ਪ੍ਰਦਰਸ਼ਣ
City Air News
May 6, 2025 09:59
0
ਜਲੰਧਰ, 5 ਮਈ, 2025: ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਾਲਜ ਦੇ ਬੀਏ ਬੀਐਡ ਸਮੈਸਟਰ ਤੀਜੇ ਦੇ ਵਿਦਿਆਰਥੀਆਂ ਨੇ ਜੀਐਨਡੀਯੂ ਦੀ ਸਮੈਸਟਰ ਦੀ ਪ੍ਰੀਖਿਆਵਾਂ ਵਿੱਚ ਯੂਨੀਵਰਸਿਟੀ ਮੇਰਿਟ ਹਾਸਲ ਕਰਕੇ ਆਪਣੇ ਕਾਲਜ ਦਾ ਨਾਮ ਰੋਸ਼ਨ ਕੀਤਾ । ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ ਨੇ ਕਿਹਾ ਕਿ ਦੋਆਬਾ ਕਾਲਜ ਇਕਲੌਤਾ ਕੋ—ਐਡ ਕਾਲਜ ਹੈ ਜਿਥੇ ਇਸਨੂੰ ਰਾਸ਼ਟਰੀ ਅਧਿਆਪਕ ਸਿੱਖਿਆ ਪ੍ਰੀਸ਼ਦ, ਨਵੀਂ ਦਿੱਲੀ ਤੋਂ ਮਾਨਤਾ ਪ੍ਰਾਪਤ ਬੀਏ ਬੀਐਡ ਅਤੇ ਬੀਐਸੀ ਬੀਐਡ ਚਾਰ ਸਾਲ ਦਾ ਇੰਟੀਗ੍ਰੇਟਡ ਕੋਰਸ ਬੜੀ ਹੀ ਸਫਲਤਾ ਨਾਲ ਚਲਾਇਆ ਜਾ ਰਿਹਾ ਹੈ ।
ਬੀਏ ਬੀਐਡ ਸਮੈਸਟਰ ਤੀਜੇ ਦੀ ਵਿਦਿਆਰਥਣ ਵਿਸ਼ਾਖਾ ਨੇ ਜੀਐਨਡੀਯੂ ਵਿੱਚ ਪਹਿਲਾ, ਵੰਸ਼ ਨੇ ਪੰਜਵਾਂ, ਡੌਲੀ ਨੇ ਛੇਵਾਂ, ਅਰਸ਼ਦੀਪ ਨੇ ਸੱਤਵਾਂ, ਪਾਯਲ ਨੇ ਅੱਠਵਾਂ, ਹਰਮਨ ਨੇ ਨੌਵਾਂ ਅਤੇ ਛਵੀ ਨੇ ਦਸੱਵਾਂ ਸਥਾਨ ਹਾਸਿਲ ਕੀਤਾ ।
ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ, ਡਾ. ਅਵਿਨਾਸ਼ ਚੰਦਰ— ਵਿਭਾਗਮੁਖੀ ਅਤੇ ਪ੍ਰਾਧਿਆਪਕਾਂ ਨੇ ਹੋਣਹਾਰ ਵਿਦਿਆਰਥੀਆਂ ਨੂੰੰ ਇਸ ਉਪਲਬੱਧੀ ਦੇ ਲਈ ਕਾਲਜ ਵਿੱਚ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਦੇ ਮਾਤਾ—ਪਿਤਾ ਨੂੰ ਮੁਬਾਰਕਬਾਦ ਦਿੱਤੀ ।
ਦੋਆਬਾ ਕਾਲਜ ਦੇ ਪ੍ਰਿੰ. ਡਾ. ਪ੍ਰਦੀਪ ਭੰਡਾਰੀ, ਡਾ. ਅਵਿਨਾਸ਼ ਚੰਦਰ ਅਤੇ ਪ੍ਰਾਧਿਆਪਕ ਹੋਣਹਾਰ ਵਿਦਿਆਰਥੀਆਂ ਦੇ ਨਾਲ ।
